کنجوس پرنسپل

گذشتہ صدی میں اردو کے افسانوی ادب نے تعمیر و ترقی کی کئی منزلیں طے کی ہیں اور یہ پیش رفت بڑی تیز رفتار اور پہلو دار رہی ہے۔ ملک کی سماجی، سیاسی اور اقتصادی حالات میں بڑی نتیجہ خیز تبدیلیاں رونما ہوئیں ان کے اثر سے انسانی رشتے اور سماجی رویے بھی بدلے، اظہار و اسلوب میں بھی نئے پیرائے اپنائے گئے۔ یہی وجہ ہے کہ زیر نظر کتاب میں جہاں چند شاہکار کہانیاں مشترک ہیں وہاں بہت سی کہانیاں ایسی بھی ہیں جو مشترک نہیں ہیں۔ زیر نظر کتاب افسانوی مجموعے میں مصنف نے بھی موجودہ سماجی، معاشرتی، اقتصادی حالات کو افسانوی رنگ میں خوب رنگا ہے اور انسان کی اصل ابتدائی، اس کی منزل، ارد گرد کا ماحول، انفرادی اور اجتماعی زندگی، نفس انسانی، شیطانی وسوسے، کردار اور ضمیر غرض ہر فرد سے وابستہ حالات کو اس افسانوی مجموعہ میں اجاگر کیا ہے۔ کتاب کا مطالعہ کرنے سے ہر فرد ایسا محسوس کرے گا گویا یہ سارے حالات و واقعات اس کے ارد گرد گھوم رہے ہیں۔ اس کے علاوہ اپنی رفیقہ حیات اور دختر نیک اختر قرۃ العین کا ذکر ضروری ہے جنہوں نے وقتاً فوقتاً تصحیح کر کے میری مدد کی، اپنے دوستوں کا شکریہ بھی ضروری ہے خصوصاً ڈاکٹر میر ساجد حسین جن کی دلچسپی سے میری حوصلہ افزائی ہوئی۔